من أول نظره

من أول نظره

من أول همسه

من أول بسمه

عَشقت الصُدفه

دُوبت فيكى

لاقتنى ساكن بريق عينيكى

مش أى كلام اتقال لعنيكى

ولا حتى مليون موال يكفيكى

أنا دايب .. و أموت انا ليكى

كرهت يومى لو مش بكى

سمعت صوتِك ينادينى

.....

طمنى وللأمان رسينى

نسينى شهورى وسنينى

وفين ما تروح تودينى

اوعدنى بحبك توفينى

والصبر منك يهَدِّينى

و م الحيره تعَدِّينى

و م الشرود صحينى

و ان كنت تايهه تهدِينى

فرحنى فى حلمى وف يقظى

واوعاك فى يوم تجرحنى

ده الجرح منك بيدبحنى

اوعدنى تكون نجمى

وشمس صباحى و نهارى

أشوف الدنيا بعيونك

واحس آمانى بوجودك

و أوارى الحزن بقدومك

ونومى يبقى على صوتك

........

حبيبتى سرورى لسرورك

ونبض حياتى بظهورك

و آمانى يبقى بآمانك

و سفينتى ترسى بحنانك

و سنينى بعيشها أيامك

و سبيلى مسيره لسبيلك

وصبرى بيك إكتفى

وحيرتى فى حبك شفى

وشرودى فى ثغرك صفا

وتايه فى بحر هواكى

فى صحوى وحلمى معاكى

وجرحى يبقى بجفاكى

وروحى تبقى فداكى

بوعدى أكون وياكى

مفيش ف قلبى سواكى

شريانك فى قلبى شريانى

حياتك نبض لحياتى

لو قولت يوم أنساكى

أكون قتيل لهواكى

OmaRa

الجيش

هديه خالصه لحبايبى اللى دخلو ظباط على ما أحصلهم
وهديه لأى حد داخل الجيش
ولا دايم الا وجه الله
وبناء على طلب الجمهور


ظبط تظابيط و عمل تلاكيك
خاف م التجنيد
مسك السكين و قطع صباعين

أعمل إيه وياك يا عبيط
ده إللي قطعته صباع ما يفيد

أعمل إيه وياك يا عبيط
ده إللي قطعته صباع ما يفيد
به من غيره ليك تجنيد
و ابقي قابلني ف جيش العيد

ظبط تظابيط و عمل تلاكيك
خاف م التجنيد
مسك السكين و قطع صباعين

عاوز تقطع اقطع لكن من غير ما تفكر يا عبيط

ظبط تظابيط و عمل تلاكيك
خاف م التجنيد
مسك السكين و قطع صباعين

اقطع راسك أو رجليك
يمكن بيها ربنا يحميك
يبعتلك دكتور يراضيك

لائق يبني للتجنيد
عندنا كانتين بيناديك
أصلك مهما هتقطع داخل
ملهاش لازمه التلاكيك

ظبط تظابيط و عمل تلاكيك
خاف م التجنيد
مسك السكين و قطع صباعين

بكره تكون ظابط مجنون
ناخد منك عبره مفيده

بكره تكون ظابط مجنون
ناخد منك عبره مفيده
أوعاك تحلم إنك تخرج
م التجنيد و تعيش مبسوط

ظبط تظابيط و عمل تلاكيك
خاف م التجنيد
مسك السكين و قطع صباعين

غيرك جرب يوم الإرجا
يعمل فيها عبيط مهوس
لكن حظه جه يا عنيا
مركز ظابط أد الدنيا
بدله شياكه و قيمه و سيما
قاعد فيها سنينه تلاته

ظبط تظابيط و عمل تلاكيك
خاف م التجنيد
مسك السكين و قطع صباعين

لبسه يكون أفرول و بياده
شده خفيفه و شده زياده

لبسه يكون أفرول و بياده
شده خفيفه و شده زياده
تبقي الصبح دكتور ف عياده
بعد الظهر تشحيم دبابه
آخر الليل حارس بوابه
بسلاح خربان رش ذبابه

ظبط تظابيط و عمل تلاكيك
خاف م التجنيد
مسك السكين و قطع صباعين

أقدم منك يوم ف مكانه
يعمل منك مسخه عباده
تخضع ليه و تقوله زياده
يا تعيش ف السجن يا خويا شماته

ظبط تظابيط و عمل تلاكيك
خاف م التجنيد
مسك السكين و قطع صباعين

أكله يكون م الميس كالعاده
عدس بصاره ولقمه نشاره

أكله يكون م الميس كالعاده
عدس بصاره ولقمه نشاره
فرخه جايه بدم عصاره
تاكل منه يا إما خساره

ظبط تظابيط و عمل تلاكيك
خاف م التجنيد
مسك السكين و قطع صباعين

اقطع حلمك بالمستقبل ده إللي يخش الجيش ما ينول
غير الغربه و عمر يطول
يطلع منه عجوز مجنون

يطلع منه عجوز مجنون

ظبط تظابيط و عمل تلاكيك
خاف م التجنيد
مسك السكين و قطع صباعين

بكره تلاقي جيوبك خاليه
و حياتك ما خلاص ديه فانيه
أصل الجيش ده بنالك سور
حاجب عنك حتي النور

أصل الجيش ده بنالك سور
حاجب عنك حتي النور
عايش فيه لكن مدفون

ظبط تظابيط و عمل تلاكيك
خاف م التجنيد
مسك السكين و قطع صباعين

اسمع مني ياد ليه متخن
عقلك و قالبهالي نباهه
احفظ صابعك راسك رجلك
بعد الجيش بكرة هتحتاجهم
تعمل بيهم حاجه مفيده
والله دي حاجه يا ناسنا عزيزه

ظبط تظابيط و عمل تلاكيك
خاف م التجنيد
مسك السكين و قطع صباعين

داخل داخل قول ماتخفش
أصل الجيش واخد ما مخلي
كل شباب الثوره .. لماذا؟
علشان يخدك أنت و هذا
يغسل مخك في البزازه

ظبط تظابيط و عمل تلاكيك
خاف م التجنيد
مسك السكين و قطع صباعين

قولي يا هذا عرفت لماذا
سعيك للتلاكيك ده هشاشه

ظبط تظابيط و عمل تلاكيك
خاف م التجنيد
مسك السكين و قطع صباعين

طلبات تحويل الاغانى
09001010101010
:D:D
_
___
OmaRa
___
_

بحبك

 

لو كل حرف كتبته طلعله صوت هيقول بحبك

لو كل كلمة حب كتبها قلمي هتقرأيها هتقول بحبك

لو كل نبضة شوق ف قلبي هتسمعيها هتقول بحبك

لو كل نظره ليكي هتشوفيها بتقول بحبك

لو كل نجمة سامرتني ليلي اسمعيها هتقول بحبك

... لو موج البحر قشعر جبينك عاوز يقولك إني بحبك

أي لحظه ألم عشتها عشان بحبك

و أي بسمة أمل هعشها عشان بحبك

معرفتش أفهم من قاموسي غير بحبك

OmaRa

اشرقت

أشرقت شمس الصباح بنورها

و تفرعت ضياءه أجزاء

نفذت بين السحاب و قابلت

قطرات الندي

و بها تكسرت إلي ألوان

... تلمع في السماء بنورها

تنزل علي سطح المياه و تنعكس

تظهر بريق عينيها

كل الورود تزينت

لتحظي بنظره بريقها

من بين ثٍقل رمشها

و كأنها أساطير الهوي

OmaRa

حلمت بيكى

حلمت بيكي و ف عينيكي شوفت صورتي

كل شئ جميل ف الكون بشوفه إنتي

القلب نبضه علي قتل شبح صمتي

كلمة بحبك قولتها ده القلب مش ملكي

غرقان ف بحر هواكي راسيني بسفنتي

أغزو شواطئ قلبك أنا ليكي يا أميرتي

شايفك ف ضي القمر محتاره و بتشكي

سيبي شعاع الشمس يهديكي و يدلك

كلامي لو مفهوم إحساسي هيقولك

نبض الحياه ف عروقي خارج من نبض قلبك

صدقي لو قولتلك ميكفيكيش مليون كلمة بحبك


OmaRa

يا حلم سنينى

حبيبي يا حلم سنيني

يا قمر منور لي ليلي

بنظره من عينك تنبض شرايني

أفديك بقلبي و بعيني

و عيني ما شافت سواك

... و قلبي غريق في هواك

و عمري يا روحي فداك

تغيب و قلبي معاك

و بسأل عليك النجوم

تطمني عليك باليوم

و تريح عينيك في النوم

و ضي القمر يبعد عنك الهموم

مثلك مفيش في الكون

قلبي في هواك مجنون

متيم أنا ف كلامي وف السكون

و بعشق رمش عينك الحنون

يا من بحبك تزلزليني

و برقة حديثك ترويني

و كأنك بالخمر سكرتيني

ياما في بعدك تعبتيني

ما من دواء يشفيني

غير رؤياكي يهديني

يا من ملكتي القلب

و سكنتي الجسد والروح

بعيد عن هواكي فين أروح

ده بعدك ملاني جروح

و عيني رغم البعاد شايفاكي

و قلبي ما صدق إنه لقاكي

و مستحيل في يوم أنساكي

يا أول و آخر حبيب بهواكي

OmaRa

أناجى النوم

تشبثت بوسادتي

بعد يوم شاق و طويل

أناجي النوم أن يأتي

لكنه أبي أن استضيفه تلك الليله

حاولت جاهدا أن ألتمس منه الرضا

و لكن دون جدوي

استغرب النوم حالي !

أين كاره النوم ؟

كارهي ... رفيق النجوم و الليالي

أتريد النوم و بالك مشغول !

بحبيبه تأبي الظهور

تعيش في خيالك و بين السطور

و تبحث عنها في بساتين الزهور

و كأنها ورده لجمالها يغرد العصفور

لندرتها لابد أن تبعد عنها العيون

و تنظرها في السماء بشغف المسحور

متمنيا أن تطل من خلف السحاب

ملاك يداعب النجوم

تناديها في البحار و تجوب كل العصور

تنتظرها ... حوريه تظهر بين الصخور

أراك تبحث عن بنت السلطان

مارا بكل القصور

و تخرج من الغيوم لغيوم

ألا تعرف أن تلك قصص تشكلها السطور ؟

تحكي للأطفال لأنال منهم وفي يسرحون

و منها من الأساطير ما يسرد علي مر العصور

أتحادثني كي لا أنام !

و كيف أحادثك و أنت غارق في الأوهام ؟

سأغمض عيني و أراك في الأحلام

فأنا لا أقوي علي السهر و الجدال

فجسمي لا يحتمل النضال

سأتركك فأنت تعرف بأنك سلطان

أغمضت عيني كي أنام

إرتسمت صورتك أمامي

نسيت طول اليوم و ذهبت كل آلامي

فصورتك أيقظتني من غفوتي

حررتني من قيد التعب و الخمول

جعلتني أنسي شقاء اليوم و وهن العيون

إنتابتني نشوه تنسي الهموم

يالروعة ابتسامتك تتغني بها الطيور

و تشدو أجمل الألحان بمفردات عطر الزهور

ألا تراها أيها النوم أم إنك تؤثر الفتور ؟

أي فتور تقول !

و أنت غارق في تبني من الحروف قصور

ما بالك ؟

أتريد مني النوم أم العدول !

استيقظ و اخرج من سطورك

فقصور الحروف لن تدوم

و عش في الواقع المحتوم

و لما هذا التشاؤم و النفور

و كيف تهدم القصور !

و أنا أراها في كل نور

احجب ناظرك فمن النور ما يعمي العيون

و ما يفعل العمي مع هائم تقول بأنه موهوم

فالقلب لا يعرف تلك العيون

والعاشق يري الظلام نور

و صخور القمر يراها لؤلؤ منثور

يبعث في الحياه معني السرور

إذهب فما عدت أريدك

فتعب اليوم أصبح بوجودها مقهور
_
___
OmaRa
___
_

الشعب المصرى



الشعب المصرى يوم الجمعه

يطلع على ميادينه الخضرا

عندو مظاهره إسمها ثورة

ولدت ثورة وثورة وثورة

والشعب المصرى بإيده يهد

أى ظالم و مستبد

والشعب المصرى كمان بيحب

يلمح حسنى فى سور السجن

وحسنى يحب منخاره يشد

يحب النوم فى سرير اللوم

وكل مظاهرة تكمل ثورة ليها مطالب بره اللعب

الشعب المصرى ثورة وحق

والشعب المصرى يموت فى الحق

هيكمل ثورته بالحق

والحق يقول للظالم قوم صحى النوم

ده العدل أخيرا جاله اليوم

وحسنى يحب منخاره يشد

يحب النوم فى سرير اللوم

وكل مظاهرة تكمل ثورة ليها مطالب بره اللعب

الشعب المصرى حق وعدل

والشعب المصرى طغى ع الكوسه

وسنينها تستاهل دوسه

كتيرة العك

كلها شك

أكلنها وعايشين فى الشق

تاكل فينا وفى أراضينا

وتغذينا سد الحلق

والحق يقول للظالم قوم صحى النوم

دا العدل أخيرا جاله اليوم

وحسنى يحب منخاره يشد

يحب النوم فى سرير اللوم

وكل مظاهرة تكمل ثورة ليها مطالب بره اللعب

كوسه وشك وسد الحلق

والشعب المصرى والله انسان

كل مناه يعيش فى سلام

لكن يوم ما كرامته تهان

ينفض نفسه ويخرج حسه

ويبدأ ثورة لأجمل شعب

يهد الظلم ينادى الحق

ينسى الكوسه كتيرة العك

عيشتنا فى شك وشق

وتعشينا سد الحلق

والحق يقول للظالم قوم صحى النوم

ده العدل أخيرا جاله اليوم

وحسنى يحب منخاره يشد

يحب النوم فى سرير اللوم

وكل مظاهرة تكمل ثورة ليها مطالب بره اللعب

الشعب المصرى شعب الحب

والشعب المصرى شعب التار

تاره بياخده بحكم قضاء

لكن لسه قضاءه معاق

بيبرء قاتل الشهداء

ويساوم أهل الشهداء

والعسكر ماسكه بلجامات

يقوله شى

علطول يمشى ولا يزعلشى

ذى حمار لامؤاخذه بيمشى

ورا شاهد زور قال مقتلشى

بيحب الزور ويقولك فى قاتل مأجور

لكن الشعب بينفض نفسه ويخرج حسه

يهد الظلم ينادى الحق

ينسى الكوسه كتيرة العك

بتعيشنا فى شك وشق

وتعشينا سد الحلق

والحق يقول للظالم قوم صحى النوم

دا العدل أخيرا جاله اليوم

وحسنى مازال منخاره يشد

يحب النوم فى سرير اللوم

وكل مظاهرة تكمل ثورة ليها مطالب بره اللعب

الشعب المصرى خرج م الشق

الشعب المصرى قالو له فاشوش

مستقبلكم وكأنه كابوس

ثورتكم سارقوها بفلوس

إخوانه البعده بكلام مسفوف

عمر المصرى ما كان منكوس

بكره الحق مسيره يدوس

ويموت فينا كل الخوف

غاز ورصاص ذى المصروف

مصر هتفضل بينا عظيمه

وبكره تروق الدنيا علينا

والظالم هيبوس رجلينا

ونقوله شى

علطول يمشى

ولا يزعلشى

ذى حمار لامؤاخذه بيمشى

ما خلاص الشعب خرج حسه

بطل ياكل سد الحلق

دلق الكوسه كتيرة العك

هد الظلم ونادى الحق

والحق يا ناس صحى م النوم

والعدل خلاص جاله اليوم

وحسنى مسيره ف سريره معدوم

وكل مظاهرة تكمل ثورة ليها مطالب بره اللعب

الشعب المصرى دا أجدع شعب

ـــ

OmaRa

ـــ