كلاكيت ثوره
من سنه فاتت تمام
قلنا نجيب حق الشعب المهان
جمعنا بعضنا و طلعنا ع الميدان أوام
و كان ف كل مصر ميدان
مكناش طالبين غير الأمان
... و تعاملنا الشرطه بإحترام
لكن غباءهم فك اللجام
عن شعب مقهور من زمان
تحولت من وقفه إعتراض لإنتقام
رشونا ساعة الصلاه و لم يحجب رصاصهم صوت الأذان
غاز و قناص و لا أثر فينا ضرب الرصاص أموت بس أموت إنسان
سقط مبارك بعد ما طلع كام بيان
و فضلنا ذي ما إحنا شعب مهان
جرونا و رخصونا و بالبياده الميري ضربونا
سحلونا و بهدلونا و ف الزباله رمونا
و قتلوا شبابنا و شيوخنا و من مرؤتنا عرونا
و جوعونا و شردونا و بغازنا ذلونا
سرقونا و بيسرقونا و لكرمتنا سلبونا
حكمونا و بيحكمونا و بالعدل عشمونا
ضحكوا علينا و عاوزين يسكتونا
فقعوا عيونا و بالبراءه بيغظونا
و بعد ما رفعوا للشهدا السلام بيشتمونا
و لسه بالتمويل و العماله بيتهمونا
مين فينا الخاين و العميل يا ناس فهمونا
كل ده حصل و بيحصل عاوزين إيه عشان تصدقونا
و الشهدا بيقولوا ارحمونا
دمنا سال أرجوكوا إنصفونا
كل إللي طلبناه محصلش دول بيستعبطونا
و كل يوم بيان حرام عليكوا خنقتونا
أنا نازل و بعزمي شديد
نازل و ف جسمي حديد
من ضرب رصاص التجنيد
و نسيت خلاص زمن التهديد
مبقتش أخاف من أي وعيد
خفنا كتير و جه زمن التغير
و إن مت اليوم في غيري كتير
و هخاف من إيه ده الموت تغير
.
..
OmaRa
..
.
ليست هناك تعليقات:
إرسال تعليق