مبروك عليكى كل فرحه وإبتسامه
بقولها ليكى من كل قلبى مع السلامه
اخترتى قلب غير إلى حبك
اخترتي ليه كل السعاده
لما شوفتك قاعده جانبه
شبكه إيدك ويه إيده
وإبتسامتك فوق شفايفك
زاد فـ قلبى فرحه ليكى
فرحه طايره مـ السعاده
خاطفه قلبى جايه ليكى
صدقينى جاى أبارك
صدقينى جاى أهنى
جاى شايل حمل غالى
شايله كله جوه منى
لكن قدام عنيكى
صدقينى .. شايفه دمعى
دمع خالص دمع غالى
دمع وافى لحبك أنتى
مبروك عليكى كل فرحه وإبتسامه
مبروك عليكى جاى أقولها ليكى تانى
لما شوفته شوفت نفسى
شوفت نفسى مكانه جنبك
كان فـ بالى إنى بحلم
بس يا خساره كانت حقيقه
داويت جروحى فـ ركن هادى
أفتكر فيه أحلى السنين
ساعه أبكى ساعه أغنى
ساعه أشكى بس .... لـ مين
طير مسافر سبنى وحدى
ساب معايا أحلى ذكرى
أفتكر بيها صوت الحنين مع السلامه يا أغلى حب
راح لـ غيرى
سبنى حزين
OmaRa
ليست هناك تعليقات:
إرسال تعليق